TKKM o Wairarapa

The roll ERO recorded, and when

ERO writes a roll into each report it publishes: a count taken for that report, on the day shown, by the review team that was there. The Ministry of Education’s current roll for this school is 166 — the figure at the top of this page, and the one to use for how big the school is now. These are a different measurement by a different body, so they will rarely agree, and a difference between them is not a change in the school.

1. March 2021

   86

   Counted while ERO’s review team was at the school. Education Review Office, report of 24 May 2021

This is one count taken for one report. It says what the roll was on that day, and nothing about how the roll has moved.

What ERO wrote in its latest report

This is ERO’s report of 24 May 2021 — “Te Kura Kaupapa Māori o Wairarapa” — section by section, under ERO’s own headings, in ERO’s own order. Nothing is summarised, shortened or reordered.

ERO wrote this report in te reo Māori and in English. Both are here as ERO published them, in ERO’s order, untranslated.

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

Ruia te taitea, kohia te rangiura.

E tū ana Te Kura Kaupapa Māori o Wairarapa ki Whakaoriori. Ka whakarato te kura i te mātauranga ki ngā ākonga o ngā tau 1 ki te 13, mā ngā mātāpono mātauranga o Te Aho Matua. Tērā ngā whakarerekētanga ki ngā tūranga ārahi, tae atu ki te tumuaki hou e tū ana ki taua tūranga mō te wā tuatahi. Ko te whāinga a te tumuaki, te poari, me te whānau, ko te whakatō i ngā whakaritenga papai me ngā mātāpono o Te Aho Matua, me te whakapai ake hoki i ngā putanga ki ngā ākonga.

He pēhea rawa te whakaatu mai o ngā ākonga i ō rātou ngākau titikaha, i ō rātou manawa whakahī, me te āheinga ki te whakahaere i a rātou anō, tae atu hoki ki te tū hei kaiārahi?

Ka whakaatu ngā ākonga i te manawa whakahī me te ngākau titikaha i te tangongitanga o ngā horopaki. E hāpaitia ana rātou kia tū hei kaiārahi.

4 Ngā Whakaaturanga

E ako ana ngā ākonga ki tētahi taiao papai e poipoi ana i a rātou. Ka whakatairanga ngā kaiako i te whakawhanaungatanga ki waenga i ngā ākonga mā te āta whakatauira nui i te whakaute, te manaaki, me te tautoko. E whakatairangatia ana ngā mātāpono o Te Aho Matua puta noa i te kura, mā te noho tahi tonu i ngā ata ki te karakia me te mihimihi. He maha ngā kōkiritanga, pērā i te Piki Maunga, te Piro, me te Kurī Pai, e āta whakamaheretia ana hei whakatairanga ake i ngā taunekeneke papai i roto i te akomanga, otirā, i te kura whānui tonu. Kei te mauritau ngā ākonga ki ō rātou akomanga. Ka whai whakaaro nui rātou ki ētahi atu, ā, ka kitea hoki ō rātou ngākau titikaha, ō rātou manawa whakahī mō rātou anō.

E ako ana ngā ākonga ki te mahi ngātahi, kia whai hua ai ki te taha o ētahi atu. He whai wāhitanga mō ngā ākonga katoa ki te whakawhanake i tō rātou māramatanga ki te noho tahi o te tuakana me te teina. Ko te whai wāhi o ngā ākonga o te Tau 8 ki te wharekura, e hāpai ana i te whakawhiti mai o te teina ki te tuakana. Ka ako ngā ākonga tuākana i ō rātou tūranga me ā rātou kawenga hei tuakana. Mā ngā hononga pakari ō rātou ki te taha o ētahi atu kura me ngā kōhanga reo o te takiwā, me te hapori whānui, ka whānui ake te rōpū hoa me ngā huarahi ako o ngā ākonga, mā ngā horopaki e whai pānga ana, e noho ngākau nui ana, pērā i ngā hākinakina, te kapa haka, me ngā kaupapa o te hapori tonu.

Ka whai wāhi atu ngā ākonga ki te whānuitanga o ngā tūmomo wheako ako. Ka whakarato te kura i ngā whai wāhitanga mō ngā ākonga ki te tūhura me te taunekeneke ki te ao whānui. Toro atu ai ngā ākonga i ia te wā ki ngā wāhi o roto, o waho tonu o Wairarapa. Ka whakatutuki rātou i ētahi mahi hei koha ki te hapori. Haere ai rātou ki ngā marae ki te ako i ngā kōrero tuku iho, ngā kōrero whakahirahira tonu. Ka whai wāhi atu ngā ākonga ki ngā kaupapa whakahirahira o te motu, pērā i te rā o Waitangi. He nui ake te whai wāhi atu a ngā ākonga ki ngā hangarau me ngā akoranga ā-ipurangi. Kua waihangatia, kua whakaputaina, kua tohutohungia hoki e rātou ētahi ataata mā aua taputapu. He pakari te tū o ngā ākonga ki te ao Māori me te ao whānui.

Ka whakamahere ngātahi ngā kaiako hei whakahāngai i ngā whakaakoranga ki ngā matea ako o ngā ākonga. Ka toro atu rātou ki te ako mā te tākaro i te kura nohinohi, ki ngā aronga ako e tika ana i te kura waenga, ā, ki ngā huarahi ako e whai pūtake ana ki te whakahonohono i ngā ākonga o te wharekura ki ngā tūmomo umanga mō meāke nei. Kua tāutuhia e ngā kaiako ngā rōpū ākonga hei hāpai ake. E whakatutuki ana rātou i te ako ngaio kia pai ake ai te aro atu ki te tangongitanga o ngā matea ako. He pai te āhua o te ahu whakamua o ngā akoranga me ngā paetae ākonga, puta noa i te kura, inarā, he teitei ake ngā paetae ākonga o te wharekura i te toharite ā-motu. He ngākau titikaha ō ngā ākonga ki te ako.

E noho pūmau ana te kura ki te whakatō i ngā mātāpono me ngā uara o Te Aho Matua ki ngā wāhanga katoa o ngā mahi whakahaere me ngā whakaritenga o te kura. E mahi ngātahi ana te poari, te tumuaki, me te kaiako ki te whakatutuki i tētahi aronga rautaki mō te kura. Kua āta mahi tahi te tumuaki hou me te tumuaki o mua, kia ngāwari te whakawhitinga ki te ārahitanga hou. He tino māramatanga tō ngā kaitiaki o te poari ki ō rātou tūranga me ā rātou kawenga, ā, ka āta whakarite rātou i te tautoko e tika ana mō te tumuaki hou i tōna tūranga ārahi. E āta hāngai ana te titiro ki te whakatinanatanga o Te Aho Matua i roto i te akomanga, i ngā āhuatanga kāwana, ā, i te whānau me te hapori hoki.

Kei te tūtohinga me te mahere rautaki te tino huarahi mō te kura mō meāke nei. Kua whakatinanahia tētahi aronga rautaki ki te auaha, te huarahi whakarerekētanga, me te urutau. Ko ētahi kaupapa matua i tāutuhia ai, ko te hāpai tonu i ngā rōpū hei āta tautoko; ko te whakawhanaketanga o tētahi marau ā-kura e hāngai ana ki te Wairarapatanga, me te whakapakari tonu i ngā hononga ki ngā kaiwhakarato o te takiwā nei, hei āta whakarite i te whai wāhi atu a ngā ākonga ki te tangongitanga o ngā wheako hou. E hāngai ana ngā whāinga rautaki ki Te Aho Matua. Kua arotakengia ngā taumata me ngā whāinga mō te tau 2020, ā, ka whakamahia hei whakatinana i ngā mahere mō te tau 2021. E whakamahia ana ngā aromātai o roto hei rauemi e hāpai ai i te whakapai tonutanga o te kura.

Ngā Whakaritenga Matua ka whai ake

Kei te tīmatanga tonu o te whakapuakitanga ki te kura te nuinga o ngā kōkiritanga me ngā rautaki i whakatinanahia ai hei whakapai ake i ngā whakaritenga me ngā whakahaeretanga. Kāhore anō kia whakaemihia, kia tātarihia hoki ngā hōtuku ā-kura. E mōhio ana te tumuaki me te poari kaitiaki, e tika ana kia whakaemi tonuhia ngā mōhiohio e pā ana ki aua kōkiritanga, kia taea ai e rātou te whai huatanga o aua tūāhuatanga te aroturuki, te aromātai, me te pūrongo.

5 Te Whakatau ki ngā Wāhanga Tautukunga

I mua atu i te whakahaerenga o te arotake i whakatutukihia e te whānau me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

ngā whakahaere a te poari;

te marautanga;

ngā whakahaere mō te hauora, te haumaru, me te oranga tinana;

ngā whakahaere o ngā kaimahi;

ngā whakahaere o te pūtea;

ngā whakahaere o ngā rawa me ngā taonga.

I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito);

te haumaru ā-tinana o ngā ākonga;

te rēhitatanga o ngā kaiako;

ngā tukanga ki te whakatū kaimahi;

te whakaunu, te aukati, te pana me te whakarerenga; me

te tae ā-tinana atu a ngā ākonga ki te kura.

6 Ngā Taunakitanga

I whakawhanakehia e Te Tari Arotake Mātauranga me te whānau ngā taunakitanga e whai ake nei, arā, kia:

aroturuki tonu, kia aromātai tonu, kia pūrongo tonu i ngā kōkiritanga me ngā whakawhanaketanga o te kura whānui

whakaemi, kia whakaraupapa i ngā mōhiohio e tika ana ki te whakawhanake i tētahi marau ā-kura e pā ana ki te Wairarapatanga.

Darcy Te Hau Toka-ā-Nuku Te Uepū ā-Motu - Māori Review Services

24 Haratua, 2021

7 Ngā Kōrero e pā ana ki te kura

Te tūwāhi Kei Whakaoriori

Te tau a te Tāhuhu o te Mātauranga 1651

Te tūmomo kura He kura whakahiato (Tau 1-13)

Te tokomaha o ngā ākonga o te kura 86

Te ira tangata Kōtiro 42 Tama 44

Ngā hononga ā-iwi Māori Pasifika 98% 2%

Ngā āhuatanga motuhake Te Aho Matua

Te wā i te kura te rōpū arotake Poutū-te-rangi 2021

Te wā o tēnei pūrongo 24 Haratua, 2021

Ngā pūrongo o mua a Te Tari Arotake Mātauranga Arotake Tāpiri Arotake Tāpiri Arotake Tāpiri Pipiri 2017 Mahuru 2015 Whiringa-ā-nuku 2013

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Ruia te taitea, kohia te rangiura. Scatter the sapwood, gather the heartwood.

Te Kura Kaupapa Māori o Wairarapa is in Masterton. The kura provides education for Years 1 to 13 students within the educational philosophy of Te Aho Matua . The kura has experienced changes to leadership, including a new first-time tumuaki . The tumuaki, poari and whānau aim to embed positive practices, the principles of Te Aho Matua , and improving outcomes for students.

How well do students show confidence, pride, and the ability to manage themselves and demonstrate leadership?

Students demonstrate pride and confidence in a range of contexts. They are being supported to become leaders.

4 Findings

Students learn in a positive and nurturing environment. Kaiako promote positive relationships amongst the students by actively modelling respect, care and support. The principles of Te Aho Matua are promoted across the kura , through shared morning karakia and mihimihi . Several initiatives, such as piki aaunga, piro and kurī pai , are intentionally planned to promote positive interactions in the classroom and kura -wide. Students are settled in their classrooms. They treat each other with respect and display confidence and pride in themselves.

Students are learning to work cooperatively, collaboratively and positively with others. All students have opportunities to develop their understanding of tuakana teina relationships. The inclusion of Year 8 students in the wharekura supports transitions from kura teina to tuākana . The older students understand their roles and responsibilities as tuākana . Through the relationships built with other schools, local kōhanga reo and wider community, students learn alongside a wider group of their peers in a range of relevant, enjoyable contexts, such as sports, kapa haka and local community activities.

Students participate in many different learning experiences. The kura provides opportunities for students to explore and interact with the wider world. Students regularly travel to locations in and out of the Wairarapa . They undertake acts of service in the community. They regularly visit various marae to learn of their significance and history. Students participate in national events of interest, such as Waitangi Day celebrations. Students have increased access to technology and e-learning. They have created, produced and directed videos using these tools. Students can confidently acknowledge their place in the Māori world and the wider world.

Kaiako plan collaboratively to tailor their teaching to the learning needs of students. They use play-based learning in kura nohinohi , appropriate approaches to learning in kura waenga , and learning pathways and approaches that meaningfully link wharekura students to future vocations. Kaiako have identified student cohorts that require targeted support. They are undertaking professional learning to better respond to diverse learning needs. Levels of progress and achievement is positive kura -wide, especially in the wharekura where student achievement excels the national average. Students are confident learners.

The kura is committed to embedding the principles and values of Te Aho Matua at every level of kura management and operations. The board, tumuaki and kaiako are working collaboratively on a shared strategic direction for the kura . The new tumuaki has worked closely with the previous tumuaki to ensure a smooth leadership transition. The BoT have a clear understanding of their roles and responsibilities and ensuring the new principal is supported in her leadership role. The embodiment of Te Aho Matua is an intentional focus in the classroom, at governance level and amongst whānau and the wider community.

The charter and strategic plan provide the kura with a clear direction to the future. A strategic focus on innovation, change and adaptation has been implemented. Identified priorities include continuing to support targeted cohorts; the development of a localised curriculum that reflects Wairarapatanga and continuing to build relationships with local providers to ensure that students are exposed to a range of new experiences. The strategic goals are aligned to Te Aho Matua . The 2020 targets and goals have been reviewed and used to inform planning for 2021. Internal evaluation is being utilised as a tool for kura improvement.

Key Next Steps

Most of the initiatives and strategies implemented for improving kura operations and management are in the early stages of implementation. Kura -wide data has yet to be collated and analysed. The tumuaki and board of trustees are aware of the need to continue to gather information pertaining to these initiatives in order to monitor, evaluate and report on their effectiveness.

Actions for Compliance

Before the evaluation, the whānau and Tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

board administration

curriculum

management of health, safety and welfare

personnel management

financial management

asset management.

During the evaluation, ERO checked the following items because they have a potentially high impact on student achievement:

emotional safety of students (including prevention of bullying and sexual harassment)

physical safety of students

teacher registration

processes for appointing staff

stand-downs, suspensions, expulsions and exclusions

attendance.

6 Recommendations

ERO and the whānau developed the following recommendations:

continue to monitor, evaluate and report on kura -wide initiatives and developments

collect and collate relevant information and voices to develop a marau-ā-kura based on Wairarapatanga.

Darcy Te Hau Toka-ā-Nuku – Director Te Uepū ā-Motu – Māori Review Services

24 May 2021

7 Information about the Kura

Location Masterton

Ministry of Education profile number 1651

Kura type Composite (Years 1-13)

Kura roll 86

Gender composition Boys 44 Girls 42

Ethnic composition Māori Pasifika 98% 2%

Special features Te Aho Matua

Review team on site March 2021

Date of this report 24 May 2021

Most recent ERO report(s) Supplementary Review Supplementary Review Supplementary Review June 2017 September 2015 October 2013

Read this report on ero.govt.nz →