TKKM o Te Waiu o Ngati Porou

The roll ERO recorded, and when

ERO writes a roll into each report it publishes: a count taken for that report, on the day shown, by the review team that was there. The Ministry of Education’s current roll for this school is 155 — the figure at the top of this page, and the one to use for how big the school is now. These are a different measurement by a different body, so they will rarely agree, and a difference between them is not a change in the school.

1. August 2025

   137

   Counted while ERO’s review team was at the school. Education Review Office, report of 4 November 2025

This is one count taken for one report. It says what the roll was on that day, and nothing about how the roll has moved.

What ERO wrote in its latest report

This is ERO’s report of 4 November 2025 — “Ngā Kitenga Arotake Report” — section by section, under ERO’s own headings, in ERO’s own order. Nothing is summarised, shortened or reordered.

ERO wrote this report in te reo Māori and in English. Both are here as ERO published them, in ERO’s order, untranslated.

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.

2 Te Horopaki

Te Taumata Tirohanga: Te tamaiti o Te Waiū, kia ekeina a Tikitikiorangi, kia tomokia a Rangiātea, kia mau ki te wānanga o te ao Māori, o te ao whānui. Koianei te taumata whakahirahira o tōna ake ao.

E tū ana Te Kura Kaupapa Māori o Te Waiū o Ngāti Porou ki Ruatōrea, ā, kei raro i te maru o Te Rūnanga Nui o Ngā Kura Kaupapa Māori o Aotearoa. E whakarato ana te kura i te mātauranga mā ngā tamariki o ngā tau 1 ki te 15. Whai muri i te arotakenga o mua, kua heke iho te tumuaki tūroa me te poari kaitiaki i ō rātou tūranga.

He pēhea rawa te whakaatu mai a ngā tamariki i Te Taumata Tirohanga i roto i ā rātou whakaritenga o ia rā, i ō rātou hononga, i ō rātou wawata hoki?

E whanake mai ana ngā tamariki hei ākonga ngākau titikaha e āta tautokona ana kia whakatutuki rātou i ō rātou tino pūmanawa.

Te Ira Tangata

E poipoia ana ngā tamariki mā roto mai i te horopaki e ahu mai ana i tō rātou tuakiri hei uri o Ngāti Porou. E whakaratohia ana ngā whai wāhitanga mō rātou ki te āta whakaatu i ō rātou pūmanawa me tō rātou māramatanga hoki ki ngā uara o Ngāti Porou, mā ngā kaupapa i whakamaheretia ai. Ka whakarato ngā kaiako i te tangongitanga o ngā wheako ako me ngā horopaki e aro nui ai ki ngā kaupapa hihiri, ngā ngākau nuitanga, me ngā kawenga ā-ahurea hoki o ngā ākonga. Ka whakamana, ka whakanui rātou i ngā whaiaro ake, i ngā āhuatanga ake hoki o ia tamaiti. He manawa whakahī ō ngā tamariki ki te ārahi i ngā kaupapa ā-kura, pērā i ngā whakaaturanga toi me ngā pō mākete. E hāpaitia ana ngā tamariki tuākana e ngā pakeke kia pakari tā rātou ārahi i ngā kaupapa karakia. Ka aro pū ngā tamariki, ka whai wāhi tākare hoki rātou ki te tangongitanga o ngā wheako ā-ahurea.

Te Reo

Ka kitea ki ngā tamariki ngā waiaro papai ki te noho rumaki ki tētahi taiao e hāpai ana, e whakawhānui ana hoki i tō rātou māramatanga ki te reo ake o Ngāti Porou. Kei te matatau te nuinga o ngā kaiako ki te reo o Ngāti Porou, ā, ka whakarato i te hōhonutanga o ngā wheako reo e whakatairanga ana i ngā reo ake, i ngā kīanga ake hoki o ngā hapū. Ka whitawhita aua wheako i te ngākau nuitanga me te pākiki o ngā tamariki ki te whakamahi i te reo o Ngāti Porou ki te kura, ā, ki tua atu hoki. Ka whakaratohia mā ngā tamariki o te wharekura, ngā whai wāhitanga ki te uru atu ki ngā tikanga, pērā i te karanga me te whaikōrero. Ko rātou tahi ko ngā kaiako, e whai pānga nui ana ki te whakapuaki māoriori nei i te reo o Ngāti Porou, puta noa i ngā wāhanga maha o ā rātou akoranga. Ko te whakangao me te tāpiri atu i ngā rawa mō te reo Māori, e hāngai ana ki te kaupapa rautaki matua mō te reo ake o Ngāti Porou me te reo matatini. Ka whakatinanahia aua tūāhuatanga mā te hāpai i ngā kaiako ki te whai wāhi atu ki te whakawhanaketanga ngaio e pā ana ki ngā wānanga reo o Ngāti Porou me te Rangaranga Reo ā-Tā. Ka tautoko ngā kaiako i a rātou anō ki te whakapūmau i ngā tūmanako mō te reo o Ngāti Porou, ā, ka hāpai i ō rātou hoa mahi e tīmata noa ana ki te ako i te reo Māori. Ka whakaputa māoriori nei ngā tamariki i te reo ake o Ngāti Porou.

Ngā Iwi

Ka whai wāhi atu ngā tamariki ki ngā kaupapa ako e tautāwhi ana, e tūhonohono ana hoki i a rātou ki ō rātou tātai hono. Kei te mōhio rātou ki te mana whenua, ā, kei te ako tonu. Ka tautuhi ngā waiata me ngā mōteatea i ngā pou whenua me ngā tāngata rongonui o Ngāti Porou, ā, ka whakatairanga i te aronga toi whenuatanga me te tuakiritanga o ngā tamariki. Ko ngā tino hononga ā-whakapapa ki waenga i ngā tamariki, ngā kaiako, me ngā whānau kei te tūāpapa o ngā hononga i te kura. I rangona te manawa whakahī o ngā whānau i a rātou e mātakitaki ana i ngā tamariki e whakariterite ana, ā, e whai wāhi atu ana hoki ki a Pīpī Kōrero me te Pō Mākete. Ka whakarato ngā kaiako i ngā whai wāhitanga i ia te wā mō ngā tamariki ki te uru atu ki ngā tikanga me ngā kaupapa. Ka āta whakatau rātou kia ako ngā tamariki, ā, i ngā wā hoki e tika ana, kia tū hoki rātou ki te ārahi i ngā kaupapa pērā i ngā pōhiri me te kapa haka. Ka kitea te manawa whakahī o ngā tamariki mō ō rātou whānau, ō rātou iwi, me ō rātou hapū.

Te Ao

Ka ako ngā tamariki ki te tū māia i roto i te ao o Ngāti Porou me te ao whānui. Ka whakapeto ngoi ngā kaiako ki te hāpai i te whai wāhi angitu atu a ngā ākonga ki ngā kaupapa ā-rohe, ā-motu, o te ao hoki, pērā i ngā Manu Kōrero, te kapa haka, ngā whakataetae hākinakina, me ngā tūmomo hōtaka ārahitanga. Ka whakakoia ngā whānau me ngā kaiako i te tū o ngā ākonga hei tino kanohi mō te kura, i a rātou e toro atu ana ki te hapori me ētahi atu. Ka kitea ki ngā tamariki tō rātou ngākau titikaha hei uri o Ngāti Porou i roto i ō rātou hapori, ā, he tūāhuatanga tēnei e whakariterite ana i tō rātou tū ki te ao whānui.

Āhuatanga Ako

E tuwhera ana, e rite ana ngā hinengaro o ngā tamariki ki te ako. Puta noa i ngā reanga tau katoa, ka kitea te mauritau me te ngākau titikaha o ngā tamariki ki te whakapuaki i ō rātou ake whakaaro, ki te patapatai, me te whai wāhi nui ki ngā whakawhitinga kōrero. Ka whakanuia ā rātou whakatutukitanga mā ngā huarahi e whai pūtake ana, ā, e whakapūmau ana i te tirohanga o te kura. Ko te tatauranga ki waenga i ngā kaimahi me ngā tamariki o te kura tuatahi e whakatairanga ana i ngā wheako ako me te kaha whai wāhi atu. Kua āta whakatōngia ngā mahinga e poipoi ai i te kōkiri a te ākonga i tana ako. Ka kitea ki ngā tamariki ngā pūmanawa o te ākonga ngākau titikaha.

Kura Tuatahi

Ka ahu mai ngā akoranga a ngā tamariki i te tino tūāpapa o te whanaungatanga. He whakaaturanga e tohu ana i ngā hononga tautoko e whai pūtake ana ki waenga i te ākonga me te kaiako, ā, koia nei te tino tūāpapa mō te whakatere ake i te ako. He rerekē te āhua me te whakapuakitanga o te marau puta noa, heoi, he tūāhuatanga tēnei e tohua ana ki ngā whakaritenga ngaio me te rerekē o ngā aronga me ngā taumata mō te whakamahere, te whakaako, te aromatawai, me te pūrongo. E whanake ana te tātari hōtuku e whakamōhio ai i ngā hōtaka mō te ākonga takitahi, mō ngā rōpū ākonga, me te akomanga, ā, kei te pakari haere hoki te ngākau titikaha me te mātau o ngā kaiako. Kei te pakari ngā tamariki o te kura tuatahi hei ākonga.

Wharekura

He pai te aru i ngā paetae tamariki, ā, ka ū tonu ngā kaiako ki te aroturuki me te hāpai i ngā putanga. Ko ngā putanga mō Te Taumata Mātauranga ā-Motu kua Taea o te tau 2024 e tohu ana i te whiwhinga o ngā tamariki katoa i te Taumata 1, ā, i whakatutuki te nuinga o ngā tamariki i te Taumata 2 me te Taumata 3. O rātou i whai i te Taumata 3, i whiwhi te 50% anō hoki i te Tiwhikete Whakauru Whare Wānanga. E rongo ana ngā tamariki o te wharekura i te angitu ā-mātauranga.

Te Ārahitanga

E whakapakari ana te ārahitanga i te whakawhirinakitanga me te mahi tahi i te kura. Nō nā noa nei tētahi tumuaki whakakapi i whakatūngia ai, ā, kua kaha aro nui ki te hāpai i te whakarerekētanga ake o te ngaiotanga me ngā tikanga ako. Ka whakatauira ia i ngā pūmanawa o te ārahi mā te whakarato, ā, ka āta kitea atu tōna whakaaro nui ki te manaaki i ētahi atu. Ko tētahi aronga matua o ngā kaiārahi o te kura, ko te waiora o ngā kaiako. Ka whakamihia e ngā kaiako te kōkiritanga e kīia nei ko Kōnui , hei tino huarahi tautoko e hāpai ana i a rātou ki te aro atu ki ā rātou kawenga ngaio. Nā tēnā, kua pai ake, kua kaha ake hoki te whakawhanaungatanga o te wāhi mahi. E puāwai mai ana ngā tamariki hei kaiārahi ā tōna wā mō tō rātou hapori.

Ngā Whakaritenga Matua ka whai ake

Kua pā ētahi take whakawhanaunga ki te whai huatanga o ngā kaiārahi whakahaere ki te whakatutuki i ō rātou tūranga. I tautuhia e te poari kaitiaki o mua i ngā wāhanga arotahi matua e hāpai ai i te whakaurutanga mai o te poari hou. Kua whakapuakihia e te poari o tēnei wā te pūmautanga ki te tautoko i te tumuaki whakakapi, i a rātou e kimi ana i tētahi tumuaki tūturu. E mōhio ana rātou, e tika ana kia kaha ake te tautoko i te tumuaki hou. Nō nā noa nei ngā kōkiritanga hou me ngā rautaki hou i whakapuakihia ai. Kua whakatūngia tētahi ohu ā-whānau ki te whakapakari ake i te whai wāhi mai a ngā whānau. Kua tae ki te wā mō ngā kaiārahi whakahaere ki te āta whakarite kia toitū ngā rerekētanga i whakataungia ai, hei hāpai i ngā putanga ki ngā tamariki, ngā whānau, me te kura. Ka whai hua ngā tamariki – ā-tinana, ā-wairua, ā-whatumanawa hoki – i te wā e taunga ana ngā whakaritenga whakahaere a te whānau.

Ko ngā whakaritenga aromātai o roto e whakamōhio ana i ngā mahi ka whai ake mō te tirohanga o te kura, mō ngā tikanga ako, me ngā whakaritenga. Kua whakapuakihia e te poari kaitiaki, e tika ana kia whakahāngai ake anō i te pūmautanga o te whānau ki Te Taumata Tirohanga me te takunetanga o roto. E tautoko ana te aromātai nei i te hiahia kia tutuki tēnei o ngā mahi, tae atu hoki ki te arotakenga me te whakahouanga o te marau ā-kura o tēnei wā, hei whakatairanga ake i te hōhonutanga o ngā mātauranga ā-iwi. Nā te whakahoutanga ake o ngā whakaritenga aromatawai pāngarau, kua tautuhia e ngā kaiārahi o te kura e tika ana kia whakapakarihia ngā tikanga ako me ngā whakaritenga a ngā kaiako mō ngā Tau 1 ki te 10. He wā pai tēnei ki te whai whakaaro ki te whakaōkawa i te tōpūtanga o ngā whakaritenga e pā ana ki te whakamahere me te aromatawai. Ka whakawhānuihia te angitu ā-mātauranga, ā-ahurea hoki o ngā tamariki mā tētahi marau e whakaū ana i ngā mātauranga a te iwi.

5 Te Whakatau a te Poari ki ngā Wāhanga Tautukunga

I mua atu i te aromātai i whakatutukihia e te poari, e te Tumuaki Whakakapi, e ngā kaimahi whakaako hoki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

ngā whakahaere a te poari

te marautanga

ngā whakahaere mō te hauora, te haumaru, me te oranga tinana

ngā whakahaere o ngā kaimahi

ngā whakahaere o te pūtea

ngā whakahaere o ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:

te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

te haumaru ā-tinana o ngā ākonga

te rēhitatanga me te tiwhiketetanga o ngā kaiako

ngā tukanga ki te whakatū kaimahi

te whakaunu, te aukati, te pana me te whakarerenga

te tae ā-tinana atu a ngā ākonga ki te kura

6 Ngā Taunakitanga

E taunaki ana Te Tari Arotake Mātauranga kia tahuri te poari kaitiaki me te ārahitanga ki te:

āta whakatau kia pai ake ai te taurite o te marau ā-akomanga me ngā mahi marau-turuki, hei āta whakatau i te whai wāhi atu a ngā tamariki ki ngā wāhanga katoa o te marau. Me āta whakatau ngā mahere ka whai ake i te whai pānga o taua tūāhuatanga ki te tōpūtanga o ngā whakaritenga.

tūhura i ngā whai wāhitanga ki te whakawhānui ake i te tangongitanga o ngā wāhanga o te marau me ngā tohu mātauranga i te wharekura, kia whai hua ake ai te whai wāhi mai a ngā tamariki, ā, hei whakatairanga anō hoki i tā rātou whai i ngā huarahi umanga, huarahi mātauranga hoki ka whai ake.

Tiwana Hibbs Toka ā Nuku - Director Te Uepū ā-Motu – Māori Review Services

4 Whiringa-ā-rangi , 2025

7 Ngā kōrero e pā ana ki te Kura

Te tūwāhi Kei Ruatōrea

Te tau a te Tāhuhu o te Mātauranga 1673

Te tūmomo kura He kura hiato, Tau 1 ki te 15

Te tokomaha o ngā ākonga o te kura 137

Ngā hononga ā-iwi Māori 98%, Iwi kē 2%

Ngā āhuatanga motuhake Te Aho Matua

Te wā i te kura te rōpū arotake Here-turi-kōkā 2025

Te wā o tēnei pūrongo 4 Whiringa-ā-rangi 2025

Ngā pūrongo o mua a Te Tari Arotake Mātauranga Te Pūrongo Aromātai Te Aho Matua, Kohi-tātea 2020

1 Introduction

The Education Review Office (ERO) in collaboration with whānau , leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau , hapū and iwi .

2 Context

Te Taumata Tirohanga: Te tamaiti o Te Waiū, kia ekeina a Tikitikiorangi, kia tomokia a Rangiātea, kia mau ki te wānanga o te ao Ngāti Porou, o te ao whānui. Koianei te taumata whakahirahira o tōna ake ao.

Te Kura Kaupapa o Te Waiū o Ngāti Porou is located in Ruatōrea and affiliates with Te Rūnanga nui o Ngā Kura Kaupapa Māori o Aotearoa . The kura provides education for tamariki from Years 1 to 15. Since the previous review, the long-standing tumuaki and Board of Trustees (BoT) have stepped down from their roles.

How well do tamariki demonstrate Te Taumata Tirohanga in their daily practices, relationships, and aspirations?

Tamariki are emerging as confident learners who are well supported to reach their full potential.

Te Ira Tangata

Tamariki are nurtured in a setting that is based on who they are as Ngāti Porou. They are provided with opportunities to showcase their talents and understanding of Ngāti Porou values through planned kaupapa. Kaiako offer a range of learning experiences and contexts that respond to tamariki interests, passions, and cultural responsibilities. They value and celebrate the unique attributes and characteristics of each tamaiti. Tamariki take pride in leading school-wide events, such as art exhibitions and pō mākete . Older tamariki are guided by pakeke to competently lead karakia ceremonies. Tamariki are focused and eagerly participate in a range of cultural experiences.

Te Reo

Tamariki display positive attitudes to being immersed in an environment that supports and extends their understanding of te reo ake o Ngāti Porou . The majority of kaiako are proficient speakers of te reo Ngāti Porou and provide language-rich experiences that promote hapū -centric dialects and distinct language nuances. These experiences spark tamariki interest and curiosity to use te reo o Ngāti Porou at kura and beyond. Tamariki in the wharekura are provided with opportunities to participate in tikanga practices such as karanga and whaikōrero . Alongside kaiako , they play a key role in demonstrating the natural use of te reo o Ngāti Porou across many aspects of their learning. The investment and allocation of resource for te reo Māori aligns with the strategic priority for te reo ake o Ngāti Porou and Te Reo Matatini. This is evident in actions such as enabling kaiako to participate in professional development for Ngāti Porou wānanga reo and Rangaranga Reo ā-Tā. Kaiako support each other to uphold expectations for te reo o Ngāti Porou and support colleagues who are at the early stages of learning te reo Māori. Tamariki intuitively use the Ngāti Porou dialect.

Ngā Iwi

Tamariki experience kaupapa ako that embraces and exposes them to their ancestral links. They know and continue to learn about mana whenua . Waiata and mōteatea identify landmarks and people of significance to Ngāti Porou , enhancing tamariki sense of belonging and identity. Strong whakapapa connections between tamariki, kaiako , and whānau form the basis of relationships within the kura. Whānau expressed a sense of pride when they observed tamariki preparing and participating in Pīpī Kōrero and the Pō Mākete. Kaiako provide regular opportunities for tamariki to be involved in tikanga and kaupapa . They ensure tamariki can learn and take lead roles, as appropriate, in kaupapa such as pōhiri and kapa haka. Tamariki exhibit personal pride in their whānau, iwi, and hapū.

Te Ao

Tamariki learn to be confident in their place within the Ngāti Porou world and in their contribution to the wider world. Kaiako dedicate their time and energy to support students to successfully participate in regional, national, and international events such as Manu Kōrero, kapa haka , sporting competitions, and various leadership programmes. Whānau and kaiako affirm students in their roles as positive ambassadors for the kura when engaging with the community and others. Tamariki demonstrate confidence as uri of Ngāti Porou within their communities in preparation for the wider world.

Āhuatanga Ako

Tamariki are open and ready for learning. Across all year levels, tamariki display ease and confidence in expressing themselves, asking questions and engaging in discussions. Their achievements are acknowledged in meaningful ways and uphold the vision of the kura . Ratios of kaimahi to tamariki in the kura tuatahi enhances learning experiences and engagement. Embedded routines foster learning independence. Tamariki display attributes of being confident learners.

Kuratuatahi

Tamariki learning is based on a strong foundation of whanaungatanga . There is evidence of meaningful, supportive, student teacher relationships that provide a sound platform for accelerating learning. Curriculum design and delivery are variable, and this is reflected in professional practice with different approaches and standards taken to planning, teaching, assessment and reporting. Data analysis to inform individual, group, and class programmes is developing along with teacher confidence and competence. Tamariki of te kura tuatahi are competent learners.

Wharekura

Tamariki achievement is well tracked, with kaiako continually monitoring and supporting outcomes. Results for the 2024 National Certificates of Educational Achievement (NCEA) show that all tamariki attained NCEA Level 1 and the majority of tamariki achieved Levels 2 and 3. Of those who sat level 3, 50% also attained University Entrance. Wharekura tamariki enjoy academic success.

Leadership

Leadership builds relational trust and collaboration within the kura . An acting tumuaki has been recently appointed, alongside kaiako , has invested significantly in professional and pedagogical change. They model the attributes of servant leadership and show a genuine duty of care for others. The wellbeing of kaiako has been a priority for kura leaders. Kaiako acknowledge the Kōnui initiative as a valuable support that enables them to focus on their professional responsibilities. This has resulted in a more positive and collegial working environment. Tamariki are emerging as future leaders for their community.

Key Next Steps

Relational issues have impacted the effectiveness of governance and leadership in fulfilling their respective roles. The outgoing Board of Trustees (BoT) identified key areas of focus to support the induction of the incoming BoT. The current BoT has expressed a commitment to supporting the acting tumuaki , while the recruitment of a permanent tumuaki is underway. They recognise that greater support will be required for the new tumuaki . New initiatives and strategies have recently been introduced. An ohu whānau has been established to strengthen whānau engagement and participation. It is timely for governance to ensure the planned changes are sustained to improve outcomes for tamariki, whānau, and kura. Tamariki benefit physically, spiritually, and emotionally from stable whānau whakahaere practices.

Internal evaluation practices have informed the next steps for the kura vision, pedagogy, and practice. The Board of Trustees has expressed a need to refocus whānau commitment to Te Taumata Tirohanga and its intent. This evaluation supports the need for this to happen, including a review and update of the current marau ā-kura to enhance its tribal richness. Due to revised numeracy assessment practices, school leaders have identified that there is a greater need to strengthen kaiako pedagogy and practice for Years 1 to 10. It is timely to consider formalising cohesive planning and assessment practices. Tamariki academic and cultural success is extended through a tribally grounded curriculum.

5 Whānau Assurance on Legal Requirement

Before the review, the board of trustees, Acting Principal and teaching staff completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

board administration

curriculum

management of health, safety and welfare

personnel management

financial management

asset management.

During the review, ERO checked the following items because they have a potentially high impact on student achievement:

emotional safety of students (including prevention of bullying and sexual harassment)

physical safety of students

teacher registration

processes for appointing staff

stand-downs, suspensions, expulsions and exclusions

attendance.

6 Recommendation

ERO recommends that the Board of Trustees and leadership:

Ensure there is a better balance between in-class curriculum and extra curricula activities to ensure tamariki engage with all areas of the curriculum. Future planning must be cognizant of the need for cohesion.

Explore opportunities to broaden the range of curriculum areas and qualifications in the wharekura , to benefit tamariki engagement and enhance their pursuit of vocational and academic pathways and careers.

Tiwana Hibbs Toka ā Nuku - Director Te Uepū ā-Motu – Māori Review Services

4 November 2025

7 Information about the Kura

Location Ruatōrea

Ministry of Education profile number 1673

Special features Te Aho Matua

Kura type Composite Years 1 - 15

Kura roll 137

Ethnic composition Māori 98%, Other 2%

Review team on site August 2025

Date of this report 4 November 2025

Most recent ERO report(s) Te Aho Matua Evaluation Project Report, January 2020

Read this report on ero.govt.nz →