TKKM o Puau Te Moananui-a-Kiwa

The roll ERO recorded, and when

ERO writes a roll into each report it publishes: a count taken for that report, on the day shown, by the review team that was there. The Ministry of Education’s current roll for this school is 87 — the figure at the top of this page, and the one to use for how big the school is now. These are a different measurement by a different body, so they will rarely agree, and a difference between them is not a change in the school.

1. November 2023

   99

   Counted while ERO’s review team was at the school. Education Review Office, report of 22 March 2024

2. 16 May 2017

   151

   Counted while ERO’s review team was at the school. Education Review Office, report of 22 June 2017

3. March 2014

   133

   Counted while ERO’s review team was at the school. Education Review Office, report of 19 June 2014

We draw no line between these. Each was counted for its own report, years apart, by a different review team, and a roll moves between reviews for reasons none of these figures record — so the difference between any two of them measures nothing.

What ERO wrote in its latest report

This is ERO’s report of 22 March 2024 — “TKKM o Puau Te Moananui-a-Kiwa March 2024” — section by section, under ERO’s own headings, in ERO’s own order. Nothing is summarised, shortened or reordered.

ERO wrote this report in te reo Māori and in English. Both are here as ERO published them, in ERO’s order, untranslated.

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū me ngā iwi.

2 Te Horopaki

E tū ana Te Kura Kaupapa Māori o Puau Te Moananui a Kiwa ki Ukutoia, ki Tāmaki-makau-rau. E whakarato ana i te mātauranga o Te Aho Matua ki ngā ākonga o ngā tau 1 ki te 15. He tokomaha ngā whānau kua roa nei e whai hononga ana ki te kura, ā, kei te hokihoki mai ngā raukura hei kaimahi, hei mātua hoki.

He pēhea rawa te whakatutukitanga me te whakatinanatanga o ngā ākonga i ngā tūmanako me ngā wawata o ō rātou whānau?

He ngākau titikaha ō ngā ākonga ki te whai i ngā tūmanako me ngā wawata o ō rātou whānau.

Te Ira Tangata

E poipoia ana te mana āhua ake me te tū motuhake o ia ākonga. E whakarato ana te whānau i te noho ngātahi, ā, e tautāwhi ana ngā ākonga me te whānau i te mana āhua ake o ia tangata. Ka kitea te whakawhanaungatanga ki waenga i te tuakana me te teina, puta noa i te kura. Ko ngā karakia me ngā tūmomo kaupapa ā-kura, he whai wāhitanga mō ngā ākonga o ngā reanga katoa ki te tū ki te ārahi. He taiao tautoko e whakatairangatia ana e ngā kaimahi, ā, e whakamana ana, e āta kite ana hoki i te kanorau o ngā ākonga. Ka āta kitea aua tūāhuatanga ki te papai o te ahurea, otirā, ki te manaaki me te whakaute o te ākonga mōna ake, mō ōna hoa hoki. E whakatinana ana ngā ākonga i Te Ira Tangata mā ngā hononga e whai pūtake ana, e whai tautoko ana ki waenga i a rātou anō, ā, ki ngā pakeke hoki.

Te Reo

E rumakina ana ngā ākonga ki tētahi taiao e whakatairanga mātātoa ana i te reo me ngā tikanga Māori. He whānui ngā tūmomo āheinga reo o ngā ākonga me ngā whānau tokomaha. Mō rātou ngā ākonga kāhore e kōrero Māori ana i ō rātou kāinga, ko te kura te huarahi kia rumakina rātou ki te taiao reo e pupuri nei i te hōhonutanga o ngā reo ā-iwi maha. Kua tīmatahia te whakawhanaketanga o tētahi rautaki nahanaha e whanake ai i te āheinga o ngā ākonga, ngā whānau, me ngā kaimahi i roto i te reo Māori me ngā mōhiotanga hopu reo. He aronga pū ki te whakawhanake me te whakatere i te reo ā-waha o ngā ākonga tēina. Ko te hokihoki mai o ētahi o ngā raukura hei kaiako, kua whai hua nui ki te reo me ngā tikanga Māori ki te kura. E whakatairanga ana ngā waiata, ngā mōteatea, me ngā karakia i te hopu reo. Ka rongo ngā ākonga i te reo o ngā horopaki ōkawa me ngā horopaki ōpaki. E whanake ana ngā ākonga ki te kōrero i te reo Māori.

Ngā Iwi

Ka kitea ki ngā ākonga tō rātou manawa whakahī mō ō rātou hononga ā-whānau, ā-hapū hoki. Ka tūhura rātou i ō rātou hononga ki ō rātou iwi. Mō ngā ākonga tokomaha, ko rātou te whakatupuranga tuarua, tuatoru rānei o ō rātou whānau Māori e noho tāone ana. He wāhi whakakotahi te kura, e āhuru ana i tā rātou ako me tā rātou whakatinana haere i ngā tikanga e hāpai ai i tā rātou hoki atu ki ō rātou marae. He hōhonu anō hoki ngā mōhiotanga me ngā tirohanga ā-ahurea o ngā kaiako, ā, ka whakapuaki, ka whakawhānui hoki i te māramatanga o ngā ākonga ki Aotearoa me te ao whānui. He whai wāhitanga mō ngā ākonga ki te uru atu ki ngā kōkiritanga e tūhonohono ana i a rātou ki te hunga o whenua kē atu. E whanake ana tō rātou māramatanga ki a rātou anō, ki ō rātou hononga anō hoki ki ētahi atu.

Te Ao

E whakawhānuihia ana te mōhiotanga me te māramatanga o ngā ākonga ki te ao. E mōhio ana rātou ki ngā hononga ki waenga i a rātou anō, ā, ki te taiao hoki. Ka ako rātou i te whakahirahiratanga o ngā atua Māori me te taiao. Ka whakatakoto ngā kaiako i ngā horopaki o ngā akoranga me ngā taumahi e hāngai ana ki ngā hītori Māori o nehe, ki ngā kōrero tuku iho, ā, ki ngā atua Māori hoki. He kaupapa māra kai, he hōtaka hangarua hoki ki te kura, ā, ka whai wāhi atu ngā ākonga o ngā tau 9 me te 10 ki ‘Te Rangitāmiro’ , ki te hōtaka kirirarau o te ao e whakahaerehia ana e Te Whare Wānanga o Waikato. He kōkiritanga UNICEF hoki e hāpai ana i ngā whai wāhitanga mō ngā ākonga ki te tūtaki me te whakawhanaunga atu ki ētahi atu ākonga taketake ki tāwāhi. Mā aua taunekeneke, ka whakatairite rātou, i runga anō i te āhua o tō rātou nā ao ki Aotearoa hei uri Māori. Kua whakaūngia ngā mōhiotanga o ngā ākonga ki tō rātou tū ki te ao Māori, i a rātou e tūhono mātātoa ana ki ētahi atu i te ao whānui.

Te ārahitanga me te whakahaeretanga

He mahi ngātahi te ārahitanga i te kura, ā, ka arotahi ki te whakapai tonu. I tēnei wā e arotakengia ana ngā pūnaha whakahaere i te kura me te tari. Kua pou herea ngā whakataunga a ngā kaiārahi matua ki ngā mātāpono o Te Aho Matua. He aronga nahanaha ki te whakahoki mai i ngā raukura, hei whakariterite i te ārahitanga mō meāke nei. E tautoko ana ngā kaiārahi i te whakatinanatanga o ngā wawata o te whānau.

Ngā Whakaritenga Matua ka whai ake

Me whakapakari ake i te kāwana i te kura. He hou te poari i whakatūngia ai, ā, e whai māramatanga ana rātou ki ā rātou kawenga kāwana. E mahi ana rātou ki te tūhono mai i ētahi atu whānau ki te poari, hei whakatutuki i ngā wawata o te whānau, hei whakapakari anō hoki i te whakatau whakaritenga. Me whakapai ake i te aromātai o roto me te arotake whaiaro, puta noa i ngā whakahaeretanga katoa i te kura. Me tahuri wawe ki te aromātai i te tumuaki mā ngā paerewa mō te umanga, ā, he mahi tēnei kāhore anō kia whakatutukihia mai i te tau 2021.

Ko te whakapai ake i te kounga o te whakaako me te ako tētahi kaupapa matua. E mōhio ana ngā kaiārahi, me whakapakari ake i ngā pūkenga o ngā kaiako kia riterite ake ai ngā whakaritenga. He mahi tonu hei whai ake i roto i te kounga kairangi o ngā mahere, te whakaako, me ngā mahi aromatawai. E tika ana kia whai atu ngā kaiako tokomaha i te whakawhanaketanga ngaio e pā ana ki te whakapuakitanga o te pānui me te tuhituhi i te kura teina, me te aroturuki, te tātari hoki i ngā hōtuku e pā ana ki aua kaupapa. Kei te whakatutuki pai te nuinga o ngā ākonga o ngā tau 1 ki te 8 i te pāngarau. Engari, e āwangawangatia ana te ahu whakamua me ngā whakatutukitanga i roto i te tuhituhi me te pānui.

Me whakapakari ake i te whakamahere, te aromatawai, me ngā mahi whakaōrite i roto i te nuinga o ngā kaupapa marau i te wharekura. Ko aua tūāhuatanga, me te kore taetae atu o ētahi ākonga ki te kura, kei te pā tōraro ki ngā paetae mātauranga. Kei te eke te haurua noa o ngā ākonga o te tau 9 me te 10 i roto i te reo matatini. Kei te eke pai te nuinga o aua ākonga i roto i te pāngarau. Tāpiri atu ki tēnā, kāhore ngā huarahi umanga o ngā ākonga e āta whakamaheretia ana, e whai hanganga ana rānei, ā, me whakawhanake ake. Kei te whakamōrearea i te ako me te eke angitu o ngā ākonga.

Me arotake i te whakaratonga o te mātauranga ki tua atu i te akomanga. Me hāngai ake ngā haerenga ki ngā mahere ā-marau me ngā putanga ākonga e hiahiatia ana. Ahakoa i arotakengia ngā kaupapa here me ngā tukanga i te tau 2022, mō te whakamahere, te whakatinanatanga, me te aroturukitanga o ngā whakaritenga e pā ana ki te hauora me te haumaru, kāhore ngā tukanga whakahaere mōrearea e āta whakatinanahia ana i ngā wā katoa. Kei te whakamōrearea pea i te noho haumaru o ngā ākonga.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:

te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

te haumaru ā-tinana o ngā ākonga

te rēhitatanga o ngā kaiako

ngā tukanga ki te whakatū kaimahi

te whakaunu, te aukati, te pana me te whakarerenga

te tae ā-tinana atu a ngā ākonga ki te kura

ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014 .

Hei whakatutuki i ngā herenga ā-ture, me tahuri rātou ki te:

arotake i te tumuaki i ia tau, mā ngā paerewa ngaio katoa e pā ana ki ngā tumuaki [Te Kahiti o Aotearoa me ngā kirimina ā-tōpū mō te whiwhi mahi e whai pānga ana]

āta whakatau i te whakatinanatanga o ngā tukanga katoa mō te whakahaeretanga o ngā tūāhuatanga mōrearea i ngā haerenga o te kura me te mātauranga kei tua atu i te akomanga [Ngā Herenga ā-Ture mō te Hauora me te Haumaru i te Mahi 2015 me ngā ture – Ngā Aratohu EOTC]

6 Te Taunakitanga

I whakawhanakehia e Te Tari Arotake Mātauranga me te whānau te taunakitanga kia toro atu te kura ki te tautoko o Te Rūnanga Nui o Ngā Kura Kaupapa Māori o Aotearoa, ki te whakatutuki i ngā whakaritenga matua i whakaraupapahia ai ki tēnei pūrongo.

Darcy Te Hau Toka ā Nuku Te Uepū-a-Motu – Māori Services

22 Poutūterangi , 2024

7 Ngā kōrero e pā ana ki te kura

Te tūwāhi Kei Ukutoia, ki Tāmaki-makau-rau

Te tau a te Tāhuhu o te Mātauranga 4228

Te tūmomo kura He kura whakahiato Tau 1-15

Te tokomaha o ngā ākonga o te kura 99

Ngā hononga ā-iwi Māori 9 9

Ngā āhuatanga motuhake Te Aho Matua

Te wā i te kura te rōpū arotake Whiringa-ā-rang i 2023

Te wā o tēnei pūrongo 22 Poutūterangi 2024

Ngā pūrongo o mua Arotake Mātauranga, Pipiri 2017; Arotake Mātauranga, Pipiri 2014

1 Introduction

The Education Review Office (ERO) in collaboration with whānau , leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi .

2 Context

Te Kura Kaupapa Māori o Puau Te Moananui a Kiwa is located in Glen Innes, Auckland. It provides Te Aho Matua education for Years 1-15 students. A number of families have had a long association with the kura and raukura are returning as staff and parents.

How well do students achieve and exemplify the hopes and aspirations of their whānau ?

Students confidently pursue the hopes and aspirations of their whānau .

Te Ira Tangata

Student individuality and uniqueness is nurtured. The whānau provides an inclusive environment where students and whānau embrace the unique identity of all individuals. Tuakana teina relationships are evident throughout the kura. Kura wide karakia and various activities provide opportunities for students of all ages to assume a leadership role. Staff promote a supportive environment that values and recognises the diversity of students. This approach is reflected in a positive culture where students demonstrate care and respect for themselves and each other. Students embellish ira tangata through meaningful and supportive relationships with each other and adults.

Te Reo

Students are immersed in an environment that actively promotes te reo and tikanga Māori . Many students and their whānau bring with them a range of language abilities. Those students who do not come from Māori speaking homes enjoy opportunities to be immersed in a language environment that reflects the rich dialect of iwi . A deliberate strategy to develop student, whānau and staff capability in te reo Māori and language acquisition knowledge is in the early stages of development. There is a specific focus on developing and accelerating oral language for younger students. The return of kura graduates as kaiako , has had a positive impact on te reo and tikanga Māori in the kura. Waiata, moteatea and karakia enhance language acquisition. Students have exposure to language in both formal and informal contexts. Students are developing as speakers of te reo Māori .

Ngā Iwi

Students exhibit personal pride in their whānau and hapū connections. They explore their connections to their iwi . Many students come from second or third generation urban raised Māori . The kura is an inclusive place where they can safely learn and practice tikanga that they can put into practice when they return to their own marae . Teachers also bring a rich cultural knowledge and perspectives to share and broaden student understanding of Aotearoa and the wider world. Students are provided with the opportunity to engage in initiatives that allow them to connect internationally with others. They are developing an understanding of who they are and how they relate to others.

Te Ao

Student knowledge and understanding of the world is being extended. They are aware of their connection to each other and the environment. They learn about the significance of atua Māori and the taiao. Kaiako contextualise lessons and activities that align with traditional Māori histories, narratives and atua Māori. Mara kai projects and recycling programmes are in place while Years 9-10 are involved in ‘Te Rangitamiro ,’ a global citizenship programme through Waikato University. A UNICEF initiative facilitates opportunities for students to meet and build relationships with other indigenous learners in other parts of the world. Through these interactions they can make comparisons to their own lives in Aotearoa as Māori . Students are grounded in the knowledge of their place in the Māori world while being actively connected to others the wider world.

Leadership and management

Leadership within the kura is collaborative with a focus on improvement. Management and administration systems are currently under review. Decision making by senior leaders is underpinned by the mātāpono of Te Aho Matua . There is a deliberate approach to bringing raukura back in preparation for future leadership roles. Leaders support the realisation of whānau aspirations.

Key Next Steps

Governance requires strengthening. The newly elected board is growing their understanding of their governance responsibilities. They are working towards co-opting additional whānau to meet whānau aspirations and to strengthen decision-making. Internal evaluation and self review needs to be improved across all kura operations. Assessing the tumuaki against the ‘ Standards for the Profession’ is of urgency, this has not been carried out since 2021.

Improving the quality of teaching and learning is a priority. Leadership are aware that there is a need to build teacher capability to support consistency of practice. Further work is required to high quality planning, teaching and assessment practices are in place. Many kaiako require further professional development in the delivery, monitoring and analysis of data in pānui and tuhituhi in kura teina . Most students in Years 1–8 are achieving well in pāngarau . However, progress and achievement in tuhituhi and panui are of concern.

Wharekura planning, assessment and moderation practices require strengthening in most curriculum areas. These factors and poor attendance of some students impacts on academic achievement. Only half of Years 9 and 10 students are achieving well in Te Reo Matatini . Most of this cohort are achieving well in pāngarau . In addition, careers and pathway planning for students is not well planned or structured and requires further development. Student learning and success is at risk.

The provision of education outside the classroom (EOTC) requires reviewing. Excursions need to be better aligned to curriculum planning and desired student outcomes. Although policies and procedures for planning, implementing and monitoring health and safety practices for excursions were reviewed in 2022, risk management procedures have not always been rigorously implemented. Student safety may be compromised.

5 Whānau Assurance on Legal Requirements

During the evaluation, ERO checked the following areas:

emotional safety of students (including prevention of bullying and sexual harassment)

physical safety of students

teacher registration

processes for appointing staff

stand-downs, suspensions, expulsions and exclusions

attendance

school policies in relation to meeting the requirements of the Children’s Act 2014.

Actions for Compliance

To meet compliance requirements they must:

annually assess the principal against all the professional standards for principals [NZ Gazette: and relevant employment agreement]

ensure risk management procedures are fully implemented on school trips/education outside the classroom. [Health and safety at Work Act 2015 and regulations – EOTC Guidelines]

6 Recommendation

ERO and the whānau developed recommends seeking support from Te Runanga Nui o Ngā Kura Kaupapa Māori to address the key next steps of this report.

Darcy Te Hau Toka-ā-Nuku – Director Te Uepū ā-Motu – Māori Review Services

22 March 2024

7 Information about the kura

Location Kei Ukutoia, ki Tāmaki-makau-rau

Ministry of Education profile number 4228

Kura type Composite (Years 1–15)

Kura roll 99

Ethnic composition Māori 99

Special features Te Aho Matua

Review team on site November 2023

Date of this report 22 March 2024

Most recent ERO report(s) Education Review, June 2017 Education Review, June 2014

Read this report on ero.govt.nz →