TKKM o Ngati Ruanui

The roll ERO recorded, and when

ERO writes a roll into each report it publishes: a count taken for that report, on the day shown, by the review team that was there. The Ministry of Education’s current roll for this school is 139 — the figure at the top of this page, and the one to use for how big the school is now. These are a different measurement by a different body, so they will rarely agree, and a difference between them is not a change in the school.

1. 13 August 2018

   44

   Counted while ERO’s review team was at the school. Education Review Office, report of 12 October 2018

2. 3 November 2014

   46

   Counted while ERO’s review team was at the school. Education Review Office, report of 17 December 2014

We draw no line between these. Each was counted for its own report, years apart, by a different review team, and a roll moves between reviews for reasons none of these figures record — so the difference between any two of them measures nothing.

What ERO wrote in its latest report

This is ERO’s report of 12 October 2018 — “Te Kura Kaupapa Māori o Ngati Ruanui - 12/10/2018” — section by section, under ERO’s own headings, in ERO’s own order. Nothing is summarised, shortened or reordered.

ERO wrote this report in te reo Māori and in English. Both are here as ERO published them, in ERO’s order, untranslated.

1 Te Horopaki

E tū ana Te Kura Kaupapa Māori o Ngāti Ruanui ki Hāwera. Ko Ngāti Ruanui tētahi o ngā iwi i te rohe o Taranaki. Ka whakarato te kura i te mātauranga e ahu mai ana i ngā tikanga whakaaro o Te Aho Matua, ki ngā ākonga o ngā tau 1 ki te 8. He whakaritenga tā rātou ko Te Kura Kaupapa Māori o Tūpoho, kia whakaratohia te mātauranga mō ngā ākonga o ngā tau 9 ki te 13, i te whānau e whakapūmau ana i te tū kē o te kura hei kura hiato. E whakatairangatia ana te reo o Ngāti Ruanui me te reo rotarota puta noa i te kura.

Whai muri i te pūrongo o mua a Te Tari Arotake Mātauranga i te tau 2014, kua tīni te ārahitanga. Kua whakatūngia tētahi tumuaki whakakapi, tae noa ki te wā ka tū tētahi ki te tūnga pūmau. He iti noa ngā rerekētanga ki te poari, ā, he tokomaha o rātou e tū mātātoa ana hoki hei kaiārahi o Ngāti Ruanui.

He pēhea rawa ngā ākonga e whakapuaki ana i te aroha, te koa, me te hari?

E noho tuwhera ana ngā ngākau o ngā ākonga ki te aroha, te koa, me te hari.

Te Ira Tangata

E whiwhi ana ngā ākonga i ngā akoranga e aro matua ana ki ō rātou tuakiri, tō rātou reo, me tō rātou ahurea. Ko ngā tikanga tuku iho o Ngāti Ruanui e whakaaweawe ana i ngā tūmanako me ngā whakaritenga i te kura. E mōhio ana ngā kaiako, kei te hāpai taua aronga i ngā ākonga ki te āta tūhonohono ki waenga i a rātou anō, ki te hapori Māori anō hoki mā te manaakitanga me te noho whakaute. Nā ngā karakia, ngā mōteatea, me ngā waiata, ka pupū ake ngā whai wāhitanga mō ngā ākonga ki te whakahōhonu ake i tō rātou māramatanga ki tā rātou whai wāhi nui, ō rātou hononga anō hoki ki roto i ngā hapū me te iwi. Tū ai ngā wānanga reo i ia te wā, hei whakatairanga ake i ngā mōhiotanga o ngā ākonga, ā, e whai hononga ana ēnei ki te mahere mātauranga a Ngāti Ruanui. Ka tūmāia ngā ākonga nā tō rātou mōhio ki a rātou anō, ki ō rātou tūrangawaewae hoki.

Te Reo

E rumakina ana ngā ākonga ki te reo me ngā tikanga o Ngāti Ruanui. Ko te tauāki taketake o te kura e kī ana Ko tōku reo, ko tōku taonga; ko tōku taonga, ko tōku reo , ā, koia nei te tūāpapa o te ako i te reo me te whakawhanaketanga reo. E hāpaitia ana te whakawhānui ake, te whakapai ake a ngā kaimahi i tō rātou mātau ki te reo o Ngāti Ruanui. Ka ārahi ngā kuia me ngā kaumātua i te whakamahinga reo, me te reo ā-iwi hoki o Ngāti Ruanui. Kua whakatō ki ngā whakaritenga o te kura, ko ngā waiata, ngā kōrero tuku iho, me ngā karakia o te takiwā nei. E āta poipoi ana, e āta whāngai ana te whānau i ngā ākonga kia tū rātou ā tōna wā hei kaikōrero, hei kaikaranga rānei ki ō rātou marae. Kua tāutuhia e ngā kaimahi ngā matea ako o ngā ākonga e uru mai ana ki te kura me te iti noa o te reo, ā, ka whakahāngai pū i te tautoko e tika ana mō rātou. Ka whakamahi i ngā hōtuku aromatawai hei tāutu i te ahu whakamua i roto i te pānui, te tuhituhi, me te kōrero. Ka whakamahi ngā kaiako i te whānuitanga o ngā tūmomo rautaki ka kōkiri i te whakawhanaketanga reo, tae atu ki te whakapuaki māhorahora nei i te reo rotarota, hei āhuatanga tonu o te hōtaka o ia rā. E mōhio whānuitia ana te kura mō ōna pūkenga ki te whakawhitiwhiti kōrero mā te reo rotarota o te reo Māori. E whanake ana ngā ākonga ki te kōrero i te reo o Ngāti Ruanui.

Ngā Iwi

Ka kitea ki ngā ākonga ō rātou ake manawa whakahī mō ō rātou whānau, ō rātou hapū, me ō rātou iwi. Ko te whakamaheretanga me te whakatinanatanga o te marautanga, ka whakahāngaitia e te whānau me ngā kaiako ki te hītori o Ngāti Ruanui me ngā hononga ki ērā atu o ngā hapū me ngā iwi o Taranaki. Ka whakarato te whānau i ngā wheako ā-hītori, ā-tōrangapū, ā-ohaoha hoki e āta hono ana ki ngā whakawhanaketanga o te iwi. Kei te mārama haere ngā ākonga ki ō rātou tūnga, ā rātou kawenga mahi hoki hei kaitiaki o te whenua. Kei te harikoa rātou i te wā e noho mārama ana ki a rātou ā rātou ake whai wāhi nui ki te whakarauoratanga o tō rātou whenua. Ka hāpai ngā kaiako i ngā ākonga ki te whakahonohono ki ngā tū rōpū i te hapori me te takiwā, hei whakawhānui ake anō hoki i tō rātou māramatanga ki ngā pātuitanga ki ētahi atu. Ka whakatairangatia ngā pūkenga ārahi i roto i te kura, ā, e ākina ana ngā ākonga kia tū ake hei kaiārahi ki te whānuitanga o ngā tūmomo horopaki ako. He manawa whakahī tō ngā ākonga hei uri o Ngāti Ruanui.

Te Ao

E whai wāhi atu ana ngā ākonga ki te whānuitanga o ngā tūmomo horopaki ako e whakanui ana i tō rātou tū ki te ao Māori me te ao whānui. Ka ako ngā ākonga i ngā tino take e pā ana ki te taiao me te whakauka o te whenua me ngā rawa taiao. E whakarato ana aua wheako ako i ngā whai wāhitanga mō ngā tamariki ki te whakangahau i a rātou e ako ana. Kua mahi ngā ākonga ki te taha o ngā whānau nō ētahi atu hapū ki te tāutu i ngā tikanga ahurea e tika ana ki te whakapūmau tonu i te oranga māoriori tonu o te ao tūroa. Ka āta whakamahere ngā kaiako kia whakaaro kaikini ai ngā ākonga ki aua take. Ka akiaki rātou i ngā ākonga ki te whai wāhi nui atu ki te aronga rautaki o Ngāti Ruanui me te iwi. Ko ngā tino take motuhake mā rātou, ko ērā e hāngai katoa ana ki te tiaki taiao, te whakapapa, me te tōrangapū. Ka kitea ki ngā ākonga ō rātou ngākau nui, ō rātou manawa whakahī anō hoki ki te ārai, te manaaki, me te tiaki anō hoki i ngā tini āhuatanga katoa e whai pānga nui ana ki a rātou, ā, ki tō rātou iwi whānui hoki.

Āhuatanga Ako

He mātātoa te whai wāhi atu a ngā ākonga ki ngā akoranga. E whakatakoto ana ngā tohu raukura i ngā tino tūmanako mō te whakawhanaketanga o ngā ākonga - ā-tangata, ā-tinana, ā-hinengaro, ā-whatumanawa hoki - mā te horopaki tonu o te Ngāti Ruanuitanga. Ko te whakaritenga o ngā rōpū mō ngā akoranga me ētahi atu o ngā kaupapa i te kura, e ahu mai ana i te taiao, te waiora, me te āio. Ka whai wāhi aua pūmanawa ki ngā mahi ki te whakamahere i te marautanga ā-kura hou. Ka whakamahia e ngā kaiako ngā wānanga hei akiaki i ngā ākonga ki te whakawhiti kōrero, te whakapuaki whakaaro, me te āta whakarongo ki ngā whakaaro o ētahi atu. Hui ai ngā kaiako i ia te wā ki te whakamahere ngātahi me te whakawhiti kōrero mō ngā whai wāhitanga ako o ia ākonga, ā, mō ngā tū rōpū ākonga hoki. Ko ētahi o ngā hōtaka tautoko, rauemi tautoko hoki i whakahāngaitia ai mō ngā ākonga, ko tētahi hōtaka ārahitanga mā ngā tama tāne e ahu mai ana i ngā tikanga, ko ngā akoranga whakawhānui i roto i te pāngarau, ā, ko te tautoko ake i ngā kaimahi hei hāpai i te pānui i roto i ngā akomanga o ngā tēina. He pai ngā mōhiohio e whiwhi ana ngā whānau mō te ahu whakamua me te whakawhanaketanga o ā rātou tamariki. He pai ngā whakatutukitanga o ngā ākonga, ā, e whakatinana ana rātou i ngā tūmanako me ngā wawata o tō rātou iwi.

He aronga nahanaha tā te whānau ki te whakatōpū i te ratonga o te mātauranga wharekura mō ngā ākonga o ngā tau 9 ki te 13. I roto i ngā tau e toru e whai ake nei, ka whakatinanahia taua mahere. He mārama ngā hononga ki te marautanga o Te Aho Matua me te Mahere Mātauranga ā-Iwi o Ngāti Ruanui. I tēnei wā e whakapuakihia ana te hōtaka mō ngā ākonga o te tau 9 me te tau 10 ki te kura, ā, kua whakauru ngā ākonga tuākana ki Te Taumata Mātauranga ā-Motu kua Taea, ā, kei Te Kura Kaupapa Māori o Tūpoho ētahi o ā rātou akoranga. E hāngai ana te marautanga mō ngā ākonga o te wharekura ki te marau ā-kura, ā, he aronga nui hoki ki ngā kaupapa matua, pērā i Te Reo Māori, Te Reo Pākehā, me te Pāngarau.

Ngā wāhanga i tāutuhia ai e te kura hei whakawhanake ake

Ka taea ngā akoranga me ngā putanga ki ngā ākonga te whakatairanga ake mā te riterite ake i te āhua o ngā mahi whakaako. E mōhio ana te whānau o te kura, kāhore i te riterite ngā whakaritenga whakaako i te kura, me te whai pānga pea o taua āhuatanga ki ngā painga mō ngā ākonga. E pūkeke ana te whānau o te kura ki te hāpai me te whakawhanake i te riterite ake o te taumata o ngā whakaritenga whakaako, kia āta eke ai ngā putanga o ngā ākonga katoa, puta noa i te kura. E akiaki ana Te Tari Arotake Mātauranga kia noho tēnei hei whakaritenga matua ka whai ake, kia āta whakatairangatia ake te whai wāhi mai o ngā ākonga ki ngā akoranga me ā rātou paetae.

Waihoki, kua tāutuhia e te whānau ngā whakaritenga matua ka wāhi ake, hei whakapakari ake i te kounga o te mātauranga o ngā ākonga, arā, kia:

whakamahinetia tā rātou marautanga ā-hapori ki ngā wawata mō Ngāti Ruanui

whakarahingia te whānuitanga o ngā tūmomo tauira reo, wheako reo hoki o ngā ākonga

arotakengia te tirohanga pae tawhiti mō te kura, hei āta whakarite i tōna hāngaitanga ki ngā wawata me ngā tūmanako o te whānau.

3 Te Arotake Whaiaro me te Ārahitanga

E whanake ana te ārahitanga, ā, he aronga rautaki ki te whakapakari ake i te āheinga o ngā kaimahi katoa ki te tū hei kaiārahi. I rīhaina te tumuaki whai muri i ngā tau rua tekau o tōna whai wāhi nui ki te kura, ki te taha o ngā ākonga, te whānau, me te hapori. E whakarato ana tētahi tumuaki whakakapi i te ārahitanga pakari mō te whānau me ngā kaimahi. Ka mahi ngātahi te tumuaki, he aronga whakakotahi hoki tāna, ā, ka whakapuaki hoki ia i ngā whai wāhitanga mō ngā kaimahi ki te tū ake ki ngā tūranga ārahi ake me te whai atu i ngā kawenga mahi.

He pūnaha ā te poari hei hāpai i ngā kaimahi me ngā ākonga. Kua roa nei te nuinga o ngā kaitiaki e whakarato ana i ō rātou pūkenga ki te kura. Ko te tū auau o ngā hui, ko te pakari anō hoki o te pūrongo i ngā paetae ākonga me tā rātou ahu whakamua, e hāpai ana i ngā mahi whakatau a te poari. E tino māramahia ana te arotake whaiaro, ā, ka whakamahia hei whakapai ake i ngā putanga ki ngā ākonga, hei tāutu i ngā whai wāhitanga whakawhanaketanga, ā, hei whakapūmau anō hoki i te whai wāhi mai o te hapori. E arotahi ana te poari ki te whakapai ake i ngā putanga ako ki ngā ākonga.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

ngā whakahaere a te poari

te marautanga

ngā whakahaere mō te hauora, te haumaru, me te oranga tinana

ngā whakahaere o ngā kaimahi

ngā whakahaere o te pūtea

ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

te haumaru ā-tinana o ngā ākonga

te rēhitatanga o ngā kaiako

ngā tukanga ki te whakatū kaimahi

te whakaunu, te aukati, te pana me te whakarerenga

te tae ā-tinana atu a ngā ākonga ki te kura.

5 Te Taunakitanga

E taunaki ana Te Tari Arotake Mātauranga kia tahuri te whānau o te kura ki te:

mahi tonu ki te whakatutuki haere i ā rātou kaupapa matua i tāutuhia ai, heoi, ērā tonu e whai wāhi atu ai hoki ki te whakapaitanga ake o ngā putanga ki ngā ākonga i te kura.

Te Whakarāpopototanga

E tū ana Te Kura Kaupapa Māori o Ngāti Ruanui ki Hāwera. E noho tuwhera ana ngā ngākau o ngā ākonga ki te aroha, te koa, me te hari. Ka ako rātou ki tētahi taiao e ahu mai ana i ngā uara, ngā whakapono, me ngā ariā o Ngāti Ruanui me Te Aho Matua. E rumakina ana ngā ākonga ki te reo me ngā tikanga o Ngāti Ruanui. Ka kitea tō rātou manawa whakahī mō ō rātou whānau, tō rātou iwi, me ō rātou hapū. E whai wāhi atu ana ngā ākonga ki te whānuitanga o ngā tūmomo horopaki ako e whakamana ana i tō rātou tū ki te ao Māori me te ao whānui. E āta whakatutukihia ana ngā matea ake o ia ākonga e te whānau.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ngāti Ruanui i roto i ngā tau e toru, arā, ko Te Rākeitanga.

Lynda Pura-Watson

Kaiurungi Whakaturuki Arotake Māori

12 Whiringa ā-nuku, 2018

Ngā Kōrero e pā ana ki te kura

Te tūwāhi Kei Hāwera

Te tau a te Tāhuhu o te Mātauranga 2383

Te tūmomo kura He kura tuatahi (Tau 1 ki te 8)

Te tokomaha o ngā ākonga o te kura 44

Te ira tangata Kōtiro 19 Tama tāne 25

Ngā hononga ā-iwi Māori 100%

Ngā āhuatanga motuhake Te Aho Matua He whakaritenga kia whakaratohia e Te Kura Kaupapa Māori o Tūpoho te mātauranga wharekura

Te wā i te kura te rōpū arotake 13 Here-turi-kōkā 2018

Te rā o tēnei pūrongo 12 Whiringa ā-nuku, 2018

Ngā pūrongo o mua a Te Tari Arotake Mātauranga Arotake Mātauranga Te Aho Matua Arotake Mātauranga Te Aho Matua Arotake Mātauranga Te Aho Matua Hakihea 2014 Haratua 2012 Hakihea 2008

1 Context

Te Kura Kaupapa Māori o Ngāti Ruanui is in Hāwera. Ngāti Ruanui is one of the iwi within the Taranaki region. The kura provides education based on the philosophy of Te Aho Matua for students from Years 1 to 8. The kura has a satellite arrangement with Te Kura Kaupapa Māori o Tūpoho to provide education for Year 9 to 13 students while the whānau seeks composite status. Te reo o Ngāti Ruanui and te reo rotarota are promoted throughout the kura.

Since the previous ERO report in 2014, there has been a leadership change. An acting tumuaki is in place until a permanent appointment can be made. There have been limited change to the board of trustees, many of whom are active leaders in Ngāti Ruanui.

How well do students show aroha, joy and laughter?

Students are receptive to aroha, joy and laughter.

Te Ira Tangata

Students experience learning where their identity, language and culture is a priority. Ngāti Ruanui traditions influence expectations and practices in the kura. Kaiako acknowledge that this approach enables students to establish caring and respectful relationships with each other and in the Māori community. Karakia, mōteatea and waiata provide opportunities for students to grow a deeper understanding of their place and connections within the hapū and iwi. There are regular wānanga reo to enhance student knowledge with links to Ngāti Ruanui education plan. Students are confident in who they are and where they come from.

Te Reo

Students are immersed in the language and tikanga of Ngāti Ruanui. The kura mission statement Ko tōku reo, ko tōku taonga; ko tōku taonga, ko tōku reo provides a foundation for language learning and development. Kaimahi are supported to increase and improve their Ngāti Ruanui language proficiency. Kuia and kaumātua guide language usage and Ngāti Ruanui dialect. Local waiata, stories and karakia are embedded in kura practices. Whānau are deliberately nurturing and growing students to be the future kaikōrero and kaikaranga for their marae. Kaimahi have identified the learning needs of students who enter the kura with limited reo and targeted support is provided for them. Assessment data is used to identify progress in pānui, tuhituhi and kōrero. Kaiako use a range of strategies to accelerate language development including the natural use of te reo rotarota as part of the daily programme. The kura is renowned for its strength to communicate using Te Reo Māori sign language. Students are developing as speakers of te reo o Ngāti Ruanui.

Ngā Iwi

Students exhibit personal pride in their whānau, hapū and iwi. Whānau and kaiako base curriculum planning and implementation on Ngāti Ruanui history and the connections to other hapū and iwi in Taranaki. Whānau provide historical, political and economic experiences that are closely linked to iwi development. Students are coming to understand their roles and responsibilities as kaitiaki of the land. They are happy when they understand their personal contribution to the revitalisation of their whenua. Kaiako support students to establish relationships with local and wider community groups to extend their understanding of partnerships with others. Leadership skills are promoted within the kura and students are encouraged to take leadership roles in a range of learning contexts. Students are proud descendants of Ngāti Ruanui.

Te Ao

Students experience a range of learning situations that acknowledge their place in both the Māori and the wider world. Students learn about important environmental issues and the sustainability of the land and natural resources. These learning experiences provide children opportunities to have fun while they are learning. Students have worked alongside the whānau from other hapū to identify good cultural practices to maintain the integrity of the living world. Kaiako deliberately plan for students to think critically about these matters. They encourage students to influence the strategic direction for Ngāti Ruanui and the iwi. The issues of greatest importance have been related to conservation, whakapapa and politics. Students show passion and pride to protect, care for and preserve all that has an impact on them and their greater iwi.

Āhuatanga Ako

Students are actively engaged in learning. The graduate profile provides clear expectations for students’ social, physical intellectual and emotional development in a Ngāti Ruanuitanga context. The organisation of groups for learning and other kura activities is based on taiao, waiora and āio. These attributes are part of the planning for the new kura curriculum. Wānanga is a process used by kaiako to encourage students to discuss, share ideas and to listen respectfully to the opinions of others. Kaiako meet regularly to plan together and discuss learning opportunities for individuals and groups of students. Targeted support programmes and resources for students include a tikanga-based mentoring for male students, pāngarau extension, and additional support staff to assist with pānui in junior classrooms. Whānau receive good information about progress and development of their children. Students are achieving well and exemplify the hopes and aspirations of their people.

The whānau have a planned approach to consolidate the provision of wharekura education for students in Years 9 to 13. This plan will be implemented over the next three years. There are clear links to Te Aho Matua curriculum and Ngāti Ruanui Iwi Education Plan. Currently the programme for Year 9 and 10 students is delivered at the kura, while senior students are enrolled in NCEA and attend some classes at Te Kura Kaupapa Māori o Tūpoho. The curriculum for wharekura students is based on the marau ā-kura with an emphasis on core subjects such as Te Reo Māori, English and Pāngarau.

Kura-identified areas of development

Student learning and outcomes can be further enhanced with greater consistency in teaching for learning. The kura whanau recognise that teaching practices are variable across the kura and the potential impact on outcomes for learners. The kura whānau are determined to support and develop more consistency of standard with teaching practice that maximises outcomes for all learners across the kura. ERO encourages this as a key next step to enhance student engagement and achievement.

Furthermore, the whānau has identified key next steps to strengthen the quality of education for students:

refine their local curriculum in line with aspirations for Ngāti Ruanui

extend the range of language models and experiences for students

review the long-term vision for the kura to ensure it reflects the aspirations and expectations of the whānau.

3 Self-Review and Leadership

Leadership is developing with a strategic focus to build capability of all staff to be leaders. The former principal resigned after twenty years of service alongside students, whānau and community of the kura. An acting principal provides stable leadership for the whānau and staff. The acting principal is collaborative and inclusive, and shares provides opportunities for staff to steps into specific leadership roles and responsibilities.

The board of trustees has systems in place to support staff and students. Most board members have had a long history of service in the kura. Regular meetings and strong reporting on student achievement and progress supports the board’s decision making. Self-review is well understood and to improve learning outcomes for students, identify development opportunities and maintain a presence in the community. The board of trustees is focussed on improving learning outcomes for students.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

board administration

curriculum

management of health, safety and welfare

personnel management

financial management

asset management.

During the review, ERO checked the following items because they have a potentially high impact on student achievement:

emotional safety of students (including prevention of bullying and sexual harassment)

physical safety of students

teacher registration

processes for appointing staff

stand-downs, suspensions, expulsions and exclusions

5 Recommendation

ERO recommends that the kura whānau:

continue to work towards their identified priorities that contribute to improved outcomes for students of the kura.

When is ERO likely to review the kura again?

The next ERO review of Te Kura Kaupapa Māori o Ngāti Ruanui will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

12 October 2018

Information about the Kura

Location Hāwera

Ministry of Education profile number 2383

Kura type Full Primary (Years 1 to 8)

Kura roll 44

Gender composition Girls 19 Boys 25

Ethnic composition Māori 100

Special features Te Aho Matua Off-site location arrangement with Te Kura Kaupapa Māori o Tūpoho to provide wharekura education

Review team on site 13 August 2018

Date of this report 12 October 2018

Most recent ERO report(s) Te Aho Matua Review Te Aho Matua Review Te Aho Matua Review December 2014 May 2012 December 2008

Read this report on ero.govt.nz →