TKKM o Nga Uri A Maui

The roll ERO recorded, and when

ERO writes a roll into each report it publishes: a count taken for that report, on the day shown, by the review team that was there. The Ministry of Education’s current roll for this school is 215 — the figure at the top of this page, and the one to use for how big the school is now. These are a different measurement by a different body, so they will rarely agree, and a difference between them is not a change in the school.

1. October 2024

   222

   Counted while ERO’s review team was at the school. Education Review Office, report of 24 April 2025

2. 4 April 2019

   149

   Counted while ERO’s review team was at the school. Education Review Office, report of 9 July 2019

3. May 2015

   160

   Counted while ERO’s review team was at the school. Education Review Office, report of 30 June 2015

We draw no line between these. Each was counted for its own report, years apart, by a different review team, and a roll moves between reviews for reasons none of these figures record — so the difference between any two of them measures nothing.

What ERO wrote in its latest report

This is ERO’s report of 24 April 2025 — “Ngā Kitenga Arotake Report” — section by section, under ERO’s own headings, in ERO’s own order. Nothing is summarised, shortened or reordered.

ERO wrote this report in te reo Māori and in English. Both are here as ERO published them, in ERO’s order, untranslated.

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.

2 Te Horopaki

Ahakoa ko wai koe, ka taea e koe, ahakoa nō hea koe, he uri koe nā Māui

E tū ana Te Kura Kaupapa Māori o Ngā Uri a Māui ki Tūranga-nui-a-Kiwa. E whakarato ana i te mātauranga rumaki reo Māori ki ngā ākonga o ngā tau 1 ki te 15. E whai ana te kura i ngā mātāpono o Te Aho Matua me te hononga ki Te Aitanga-a-Māhaki. He hou te tumuaki ki tōna tūranga, ā, e tautokona ana e Te Rūnanga Nui o Ngā Kura Kaupapa Māori o Aotearoa.

He pēhea rawa te whakatinanatanga o ngā ākonga i te ngākau titikaha, i te ngākau tapatahi, me te ihokiri papai?

Ka kitea ki ngā ākonga tō rātou ngākau titikaha ki te ako, ā, e āta tautokona ana rātou kia whanake ō rātou ngākau tapatahi me ō rātou ihokiri.

Te Ira Tangata

Ahakoa iti, he iti māpihi pounamu

Ka whai wāhi tākare atu ngā ākonga ki tētahi taiao poipoi e ahu mai ana i ngā uara Māori, i ngā whakapono Māori, me ngā ariā Māori. Ka whai wāhi atu rātou ki te tangongitanga o ngā wheako e whakapakari ana i tō rātou māramatanga ki a rātou anō, ā, ki ō rātou hononga anō hoki ki te whenua o tēnei takiwa. Ka toro atu ki ngā karakia, ngā hīmene, ngā waiata, ngā pātere, ngā pao me ngā mihimihi ki te tūhonohono i te taha wairua me te taha tinana o ngā ākonga. He ngākau titikaha ō rātou ki te whai wāhi atu ki ngā akoranga me te whakapuaki i ō rātou whakaaro e whakapakari haere ai i tā rātou tirohanga ki te ao. E āta poipoia ana ngā matea o ngā ākonga. E hāpaitia ana ngā tama ariki kia āta whai wāhi atu ai rātou ki ngā kaupapa ako, ā, e tautāwhitia ana rātou e te katoa. He tino hononga ā-whakapapa ō ngā kaiako ki ngā ākonga, ā, he tūāhuatanga tēnei e whakakipakipa ana i tō rātou ngākau nuitanga ki te ako, e pai here ana hoki i ō rātou hononga. Ka kitea te whanaungatanga ki te āhua tonu o te mahi tahi a te whānau ki te whakapakari i ō rātou mōhiotanga ki Te Aho Matua me te Māuitanga. E whakatinana ana ngā ākonga i te manawa whakahī mō tō rātou tuakiritanga.

Te Reo

Tōku reo, tōku ohooho Tōku reo, tōku māpihi maurea Tōku reo, tōku whakakai marihi

He ngākau titikaha tō ngā ākonga ki te whai wāhi atu ki ngā akoranga. E rumakina ana rātou ki tētahi taiao e hāpai ana, e whakawhānui ana hoki i tō rātou mōhiotanga me tō rātou māramatanga ki te reo Māori. E matatau ana ngā kaiako ki te kōrero i te reo Māori, ā, ka whakarato i ngā hōtaka akoranga e pupuri ana i te hōhonutanga o te reo. He hōtaka rangaranga reo ā-tā e whakatakoto pū ana i te aronga nahanaha ki te whakatairanga ake i ngā pūkenga pānui me ngā pūkenga tuhituhi. Ka kawe atu ngā ākonga i te ārahitanga o ngā karakia me ngā mihimihi. He ngākau titikaha ō rātou ki te whakapuaki i ō rātou pēpeha me ngā mātāpono o Te Aho Matua. E tūhono ana ngā waiata me ngā mōteatea i a rātou ki te Tai Rāwhiti. Ka whai wāhi atu ngā whānau ki ngā wānanga reo e tū auau ana ki te taha o ngā kaimahi. He tūāhuatanga tēnei e hāpai ana i te reo Māori ki ngā kāinga. E whakawhanake ana ngā ākonga i te ngākau titikaha me te manawa rahi ki te reo.

Ngā Iwi

Te piko o te māhuri Tērā te tupu o te rākau

E whai wāhi ana ngā ākonga ki tētahi kaupapa ako e tautāwhi ana i a rātou, ā, e whakatairanga ana ki a rātou ō rātou tātai hono me ngā tūmanako, ngā wawata hoki o tō rātou whānau, tō rātou hapū, me tō rātou iwi. Kua whakatōngia te whanaungatanga ki ngā whakaritenga o ia rā. Ka ako ngā ākonga i ngā whakapapa e tūhono ana i a rātou ki a rātou anō, ki ngā iwi whānui tonu o te Tai Rāwhiti. Ko ngā wheako ki te marae me ngā wāhi hītori whakahirahira e whakatairanga tonu ake ana i te hononga o ngā ākonga ki te taiao whānui. Tae atu ai ngā ākonga ki te tangongitanga o ngā kaupapa a te iwi me te hapū. Ko te hononga ki waenga i te tuakana me te taina tētahi tūāhuatanga e whai pānga nui ana ki ngā wheako o ngā ākonga i ia rā. E whakapuaki ana ngā ākonga i te manawa whakahī mō tō rātou whānau, tō rātou hapū, me tō rātou iwi.

Te Ao

Ka pū te ruha, ka hao te rangatahi

Ka kapo atu ngā kaupapa ako i ngā ākonga mā roto mai i te tangongitanga o ngā wheako hou, ngā wheako tuku iho hoki o te ao Māori. Ka whakapuaki ngā ākonga i tō rātou manawa whakahī ki te whakakanohi i tō rātou kura, tō rātou whānau, me tō rātou hapū, i a rātou e whai wāhi atu ana ki ngā kaupapa ā-hapori, ā-motu hoki. Ka noho mākohakoha rātou ki ētahi atu wheako kia whai wāhi atu ai rātou ki ngā tūmomo horopaki ako. Ka tautoko ngā whānau me ngā kaiako i ngā ākonga ki te whakakanohi i te kura i a rātou e taunekeneke ana ki te hapori me ētahi atu kura kaupapa Māori mā te kapa haka me te wiki hākinakina. E whakatinana ana ngā ākonga i te ngākau titikaha hei Māori ki te ao whānui.

Āhuatanga Ako

Whāia te iti kahurangi Ki te tuohu koe Me he maunga teitei

Ko te Māuitanga kei te pūtake o ngā kaupapa ako. Ko te ako mā te pakirehua me te whanaungatanga e tūhono ana i ngā ākonga ki ngā mātauranga tuku iho o Māui. E whakarato ana ngā kaiako i ngā akoranga whakaongaonga e rere tika ana, ā, e poipoi ana i ngā matea o ia ākonga, o ngā rōpū ākonga hoki. Ka arotakengia ngā mahere ako kia whakaarohia te whakatinanatanga mō te angitu o ngā ākonga. Ka whakarato i ngā whai wāhitanga mō ngā ākonga ki te ako takitahi me te ako takirōpū. Ka āta aru ngā kaiako i te whakawhanaketanga ako o ngā ākonga, ā, he pai tā rātou ahu whakamua i a rātou e whakawhiti haere ana i te kura. Kei te pākiki, kei te whai wāhi nui, kei te mauritau hoki ngā tamariki hei ākonga.

Te Wharekura

Te piko o te māhuri Tērā te tupu o te rākau

Ka whai wāhi atu ngā ākonga ki ngā wheako me ngā kaupapa ako tūturu e hāpai ana i tā rātou angitu me ngā huarahi kei mua tonu i a rātou. E hāpai ana ngā mahere takitahi i ō rātou ngākau nuitanga me ō rātou matea, ā, ka whakariterite i a rātou mō ngā akoranga teitei ake. E āhei ana ngā ākonga ki te uru atu ki ngā whare akoranga o waho, me te whai i ngā wheako mahi e ngākau nuitia ana e rātou. Ka āta whāia ngā paetae a ngā ākonga, ā, ka aroturuki, ka hāpai hoki ngā kaiako i ngā putanga a ngā ākonga i ngā wā katoa. Ko ngā hōtuku mō Te Taumata Mātauranga ā-Motu kua Taea o te tau 2023 e tohu ana i te tokomaha o ngā ākonga i whiwhi i te Taumata 1 me te Taumata 2. E 100% ngā ākonga i tutuki i te Taumata 3, ā, i riro i ētahi o ngā ākonga te tiwhikete whakauru whare wānanga. Ka rongo ngā ākonga o te wharekura i te angitu.

Te Ārahitanga me te Kāwana

Kua pou herea ngā mahi ārahi me ngā mahi kāwana ki te whanaungatanga. Kei te tautōhito ngā whānau, ā, ka toro atu rātou ki te tangongitanga o ngā pūkenga me ngā mōhiotanga e whai pūtake ana. Ka mahi ngātahi rātou ki te āta whakatau i te whakatutukitanga o ngā kawenga mahi, me te hāpaitanga tika o ngā ākonga me ō rātou whānau. E tino tautokona ana te tumuaki e te whānau me Te Rūnanga Nui o Ngā Kura Kaupapa Māori o Aotearoa. Kua tīmatahia e te whānau tētahi mahere rautaki te whakawhanake. Ko te whakatū wānanga ka hāpai i te whānau ki te whakatau i te tirohanga ngātahi me te kōkiri tonu i ngā wawata o te whānau. Ka aro nui ki te whakawhanaketanga me te waiora o ngā ākonga.

Ngā Whakaritenga Matua ka whai ake

E whanake tonuhia ana ngā pūnaha e hāpai ai i te whakapakaritanga ake o ngā pūkenga ngaio o ngā kaiako. E mahi tahi ana te tumuaki me Te Rūnanga Nui o Ngā Kura Kaupapa Māori o Aotearoa ki te waihanga i tētahi angamahi ake mō te kura, me te whai pānga anō hoki o tēnā ki Te Aho Matua me te Māuitanga. Ka whai hua ngā ākonga i te wā e hāngai ana te tikanga ako a ngā kaiako ki ngā uara o te kura me te whānau.

E whakapakari ana te whānau i ētahi tūāhuatanga o te whakahaere pūmanawa tangata, te hauora, me te haumaru. Ko tētahi whakawhanaketanga ka whai ake, ko te whakatairanga ake i ngā māramatanga me ngā whakaritenga a ngā kaiārahi mō te arowhai i te haumaru i te wāhi mahi, me te whakatinana, te aromātai hoki i ngā tukanga i te kura mō te whakariterite i ngā tūāhuatanga ohotata.

5 Te Whakatau a te Whānau ki ngā Wāhanga Tautukunga

I mua atu i te aromātai i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

ngā whakahaere a te poari

te marautanga

ngā whakahaere mō te hauora, te haumaru, me te oranga tinana

ngā whakahaere o ngā kaimahi

ngā whakahaere o te pūtea

ngā whakahaere o ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:

te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

te haumaru ā-tinana o ngā ākonga

te rēhitatanga me te tiwhiketetanga o ngā kaiako

ngā tukanga ki te whakatū kaimahi

te whakaunu, te aukati, te pana me te whakarerenga

te tae ā-tinana atu a ngā ākonga ki te kura

6 Te Taunakitanga

E taunaki ana Te Tari Arotake Mātauranga kia mahi tonu te whānau ki te taha o Te Rūnanga Nui o Ngā Kura Kaupapa Māori o Aotearoa ki te kōkiri whakamua i ngā whakaritenga matua i tautuhia ai kia whāia.

Tiwana Hibbs Toka ā Nuku Te Uepū ā-Motu – Māori Review Services

24 Paengawhāwhā, 2025

7 Ngā kōrero e pā ana ki te kura

Te tūwāhi Kei Tūranga-nui-a-Kiwa

Te tau a te Tāhuhu o te Mātauranga 1672

Te tūmomo kura Te Aho Matua

Te tokomaha o ngā ākonga o te kura 222

Ngā hononga ā-iwi Māori 100%

Ngā āhuatanga motuhake Te Aho Matua

Te wā i te kura te rōpū arotake Whiringa-ā-nuku 2024

Te wā o tēnei pūrongo 24 Paengawhāwhā 2025

Ngā pūrongo o mua a Te Tari Arotake Mātauranga Arotake Mātauranga, Hōngongoi 2019; Arotake Mātauranga, Pipiri 2015; Arotake Mātauranga, Paenga-whāwhā 2012

1 Introduction

The Education Review Office (ERO) in collaboration with whānau , leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi .

2 Context

Ahakoa ko wai koe ka tāea e koe, ahakoa nō hea koe he uri koe nā Māui

Te Kura Kaupapa Māori o Ngā Uri a Maui is in Gisborne. They provide immersion Māori education for students in Years 1 to 15. The kura follows the principles of Te Aho Matua and the connection to Te Aitanga a Mahaki . The tumuaki is new to her role and is supported by Te Rūnanga Nui o Ngā Kura Kaupapa o Aotearoa (Te Rūnanga Nui).

How well do students demonstrate confidence, integrity and good character?

Students are confident learners who are well supported to develop integrity and good character.

Te Ira Tangata

Ahakoa iti, he iti mapihi pounamu

Enthusiastic students participate in a nurturing environment based on Māori values, beliefs and concepts. They engage in a range of experiences that build their understanding of self and their connection to local whenua . Karakia, himene, waiata , pātere, pao and mihimihi are utilised to connect the spiritual and physical being of students. They confidently participate in learning and share their opinions and ideas to build on their world view. Student needs are well catered for. Tama ariki are supported to fully participate in kaupapa ako and are embraced by all. Kaiako have strong whakapapa relationships with students that motivates their interest in learning and strengthens their connections. Whakawhanaungatanga is evident as the whānau work collectively to build their knowledge of Te Aho Matua and Māuitanga . Students show pride in who they are.

Te Reo

Tōku reo, tōku ohooho Tōku reo, tōku mapihi maurea Tōku reo, tōku whakakai marihi

Students confidently engage in learning. They are immersed in an environment that supports and extends their knowledge and understanding of te reo Māori. Kaiako are proficient speakers of te reo Māori and provide language rich learning programmes. A structured literacy programme provides an explicit and systematic approach to improving reading and writing skills. Students take responsibilities in leading daily karakia and mihimihi . They confidently express their pepeha and share the principles of Te Aho Matua. Waiata and mōteatea connect them to Te Tairāwhiti. Whānau participate in regular wānanga reo with kaimahi . This supports te reo Māori in the kāenga . Students are developing confidence and resoluteness in te reo .

Ngā Iwi

Te piko o te māhuri Tērā te tupu o te rākau

Students experience a kaupapa ako that embraces and exposes them to their ancestral links and the hopes and aspirations of their whānau, hapū and iwi. Whanaungatanga is embedded in daily practices. students learn whakapapa that not only links them to one another but also to the wider tribal boundaries of Te Tairāwhiti . Experiences at marae and significant historical places further enhance students' connection to the wider taiao . Students attend a range of iwi and hapū events. Tuākana, taina relationships are an integral part of students’ daily experience. Students exhibit personal pride in their whānau, hapū and iwi .

Te Ao

Ka pū te ruha, ka hao te rangatahi

Kaupapa ako engage students in a range of contemporary and traditional te ao Māori experiences. Students’ pride in representing their kura, whānau and hapū is expressed as they participate in local and national events. They are open to other experiences that exposes them to different contexts of learning. Whānau and kaiako support students in their role as positive ambassadors for the kura when interacting with the community and other kura kaupapa through kapa haka and wiki hākinakina . Students demonstrate confidence as Māori within the wider world.

Āhuatanga Ako

W hāia te iti kahurangi Ki te tuohu koe Me he maunga teitei

Māuitanga is at the heart of the kaupapa ako . Learning through inquiry and whanaungatanga connect students to the ancestral knowledge of Māui. Kaiako provide stimulating and well-paced lessons that cater to the needs of groups and individual students. Lesson plans are reviewed to consider implementation for student success. They provide opportunities for students to work independently or in groups. Kaiako clearly track the learning development of students who make good progress as they transition through the school. Students are inquisitive, engaged and settled learners.

Wharekura

Te piko o te māhuri Tērā te tupu o te rākau

Students engage in authentic experiences and kaupapa ako that support their success and future pathways. Individualised plans support their specific interests and needs in preparing them for higher learning. Students are able to enrol in external education facilities and engage in work experiences that is of interest to them. Student’s achievement is well tracked with kaiako continually monitoring and supporting student outcomes. Results for National Certificates of Educational Achievement (NCEA) for 2023 show many students attained NCEA Levels 1 and 2. There was a 100% pass rate at NCEA Level 3, some students attained university entrance. Wharekura students enjoy success.

Leadership and Governance

Whanaungatanga underpins leadership and governance practice. Whānau are experienced and draw on a variety of useful skills and knowledge. They work collectively to ensure responsibilities are undertaken and students and their whānau are well served. The tumuaki is well supported by the whānau and Te Rūnanga Nui . The whānau are in the early stages of developing a strategic plan. Wānanga will enable a collective vision to be agreed and to continue to progress whānau aspirations. Student development and wellbeing are prioritised.

Key Next Steps

Systems to support kaiako professional capability building continue to develop. The tumuaki and Te Rūnanga Nui are working together to design a bespoke framework that reflects Te Aho Matua and Māuitanga . Students benefit when kaiako pedagogy aligns to the values of the kura and whānau .

The whānau are strengthening aspects of human resource management and health and safety. Improving leaders understanding and practices for safety checking the workforce and implementing and evaluating kura procedures for preparing for emergencies is a next step development.

5 Whānau Assurance on Legal Requirement

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

board administration

curriculum

management of health, safety and welfare

personnel management

financial management

asset management.

During the review, ERO checked the following items because they have a potentially high impact on student achievement:

emotional safety of students (including prevention of bullying and sexual harassment)

physical safety of students

teacher registration

processes for appointing staff

stand-downs, suspensions, expulsions and exclusions

attendance.

6 Recommendation

ERO recommend that the whānau continue to work alongside Te Rūnanga Nui to progress the key next steps identified.

Tiwana Hibbs Toka ā Nuku - Director Te Uepū ā-Motu – Māori Review Services

24 April 2025

7 Information about the kura

Location Gisborne

Ministry of Education profile number 1672

Kura type Te Aho Matua

Kura roll 222

Ethnic composition Māori 100%

Special features Te Aho Matua

Review team on site October 2024

Date of this report 24 April 2025

Most recent ERO report(s) Education Review, July 2019; Education Review, June 2015; Education Review, April 2012.

Read this report on ero.govt.nz →